WRSA Kleinwildtelersvereniging
Wildlife Ranching South Africa (WRSA) nooi kleinwildtelers uit na ‘n stigtingsvergaderingvan die Kleinwildtelersvereniging.
Volgens WRSA Bestuurder Herman Barnard, is die stigting van die vereniging ten doel om die kleinwildtelers ‘n platform te gee vanwaar hul belange in dié spesialiteitsveld bevorder kan word, om standaarde in die bedryf te stel en om as spreekbuis vir sy lede te dien.
“Gegewe die oorvloed van belangstelling in kleinwild en die stigting van die vereniging, is dit van uiterste belang dat die persone wat belangstel vroegtydig sal bespreek,” het Herman in ‘n persverklaring gesê.
“In die geval waar iemand nie die vergadering kan bywoon nie, vir welke rede ook al, maar tog belangstel, laat weet die WRSA gerus en ons sal die betrokke persoon op die databasis plaas en op hoogte hou van verwikkelinge,” het Herman genoem, en bygevoeg dat verteenwoordigers ook welkom is as ‘n alternatief.
Items wat op die dag bespreek sal word sluit in:
Die verkiesing van ‘n komitee
Bepaling van spesies wat geld as kleinwild
Minimum standaarde in die hantering en teel van kleinwildspesies
Permitte
Inligtingsdag
Die daarstelling van ‘n jaarlikse, spesialis, kleinwildveiling.
Vir enige verdere navrae of voorstelle kan Herman Barnard of Lize Visser gekontak word by (012) 335 6994 of deur ‘n epos te stuur na manager@wrsa.co.za
Die vergadering se besonderhede is as volg:
DATUM: Woensdag 4 Februarie 2015
TYD: 10:00
PLEK: WRSA Kantoor
381 Booysen straat
Eloffsdal
Pretoria
